මධ්‍යම පාන්තික  ජනතා පක්ෂය යනු, සමස්ථ ශ්‍රී ලංකාවේම ජීවත් වන  මැද පන්තිය නියෝජනය කරන දේශපාලන පක්ෂයකි. අපි ජාතිය, ආගම, කුලය නොසලකා අපේ ජාතිකත්වය පමණක් සලකා රටක් හැටියට ඉදිරියට යාම පමණක් මුලික අරමුණ කරගෙන මෙම පක්ෂය ගොඩනගා ඇත. ලොව වටිනාම නිල් මැණික් ඇති පොළොවක් හිමි අපි, රට වට කර මත්ස්‍ය සම්පතක් ඇති මුහුදක් හිමි අපි, මහා ගංගාවන් හතරක් හතර කොනෙන් ගලා යන සශ්‍රික කෘෂි කාර්මික උරුමයකින් පොහොසත් රටක් ඇති අපි, වසර දෙදහසකට වඩා පැරණි සංස්කෘතික වටිනාකමක්  ඇති අපි, තවමත් අන් රටවලින් ණයට ගෙන ඔවුන්ගේ අතකොලු වෙමින් ජීවත් වෙනවාද? එසේ නැතිනම් එයින් මිදී, දියුණු රටක පුරවැසියන් ලෙස ලෝකය ඉදිරියේ අභිමානවත් ලෙස ජීවත් වෙනවාද? එසේ ජීවත් වීමේ අයිතිය ඔබෙන් ඉපදෙන ඔබේ දරුවාට ලබා දෙනවාද?  මේ ගැන සිතන්න, අපි වටා එක් වන්න,සාකච්ජා කරන්න, තීරණ ගන්න, වැඩ කරන්න-රට හදන්න දැන් කාලයඑළෙඹ ඇති බව අප ඔබට පුන පුනා කියන්නෙමු. අපි උපතින්ම ශ්‍රී ලාංකික පුරවැසියන් වූ බැවින්, අපි කරන කියන සියලු දේ සිදු වන්නේ අපගේ ජාතිකත්වය පදනම් කරගෙනය. එබැවින් අපි ජාතියක් වශයෙන් ඉදිරියට නොගියහොත්, අපිට සිදු වන්නේ ලෝකය ඉදිරියේ දුප්පත් රටක් ලෙස හංවඩු ගැසී සිටීමටය. එසේම අපි, අපේ රට කලින් කලට පාලනය කරන දේශපාලකයන්ගේ ගොදුරු බවට පත්ව සිටිති. මේදෙය වහා තේරුම් ගෙන පක්ෂ,පාට,භේද,නොසලකා අපි ගෙන යන මෙම වැඩ පිළිවෙල සාර්ථක කර ගැනීමට ඔබගේ දායකත්වය අපිට ලබා දෙන්න. ඔබ අප සමග එක් වීමෙන්, ඔබගේ දෛනික ජීවිතයේ පැන නගින බොහෝ ප්‍රශ්න නිරාකරණය කර ගැනීමට හැකි වනු ඇත. ඒ මන්ද යත්, අපි හැදෙමු යන තේමාව යටතේ පළමුවෙන්ම මම හැදෙමි යන අධිෂ්ඨානය ඔබ සිත තුල වර්ධනය කර ගත යුතුය. එමගින් ඔබත් දිනා රටත් දිනවිය හැකිය.